ఉదయక్రాంతి:- రాష్ట్రంలోని మంచిర్యాల జిల్లా బెల్లంపల్లి పట్టణంలో శుక్రవారం టీఎన్జీవో బెల్లంపల్లి యూనిట్ అధ్యక్షుడు జి వెంకటేష్ ఆధ్వర్యంలో నిర్వహించిన టీఎన్జీవో కార్యవర్గ సమావేశంలో బెల్లంపల్లి యూనిట్లో గల ఖాళీల మేరకు నూతన సభ్యులను కోఆప్షన్ పద్ధతిలో ఎన్నుకున్నారు. ఈ కార్యక్రమానికి టీఎన్జీవో జిల్లా అధ్యక్షుడు గడియారం శ్రీహరి ముఖ్య అతిథిగా హాజరై, నూతనంగా ఎన్నికైన సభ్యులకు నియామక పత్రాలు అందజేశారు. ఈసందర్భంగా శ్రీహరి మాట్లాడుతూ, టిఎన్జీవో బెల్లంపల్లి యూనిట్ కార్యదర్శిగా ఈ క్రాంతి కుమార్, కోశాధికారిగా పృథ్వీరాజ్, ఉపాధ్యక్షులుగా యు మల్లయ్య, సంయుక్త కార్యదర్శులుగా వి విజయలక్ష్మి, జి సునీల్, ఆర్గనైజింగ్ కార్యదర్శిగా కే శ్రీనివాస్, కార్యవర్గ సభ్యులుగా పి శ్రావణ్ కుమార్, బి మహేష్ లను కోఆప్షన్ పద్ధతిలో ఎన్నుకోవడం జరిగిందన్నారు. నూతనంగా ఎన్నికైన సభ్యులందరికీ శుభాకాంక్షలు తెలుపుతూ, టీఎన్జీవో అభివృద్ధికి ప్రతి ఒక్క సభ్యుడు అహర్నిశలు కృషి చేయాలన్నారు. బెల్లంపల్లి యూనిట్ సభ్యత్వ నమోదు కార్యక్రమం నవంబర్ మాసంలో పూర్తి చేయాలని సూచించారు. రానున్న నూతన సంవత్సర క్యాలెండర్, డైరీ ఆవిష్కరణకు బెల్లంపల్లి యూనిట్ తరఫున పూర్తి సహాయ సహకారాలు అందించాలని కోరారు. ఈకార్యక్రమంలో టిఎన్జీవో జిల్లా కార్యదర్శి భూముల రామ్మోహన్, కేంద్ర సంఘం కార్యదర్శి పొన్న మల్లయ్య, అసోసియేట్ అధ్యక్షుడు శ్రీపతి బాపు రావు, ఉపాధ్యక్షుడు కే శ్రీనివాస్, మంచిర్యాల యూనిట్ అధ్యక్షుడు నాగుల గోపాల్, బెల్లంపల్లి యూనిట్ సభ్యులు పాల్గొన్నారు.
