ఉదయక్రాంతి:- రాష్ట్రంలోని మంచిర్యాల జిల్లా కేంద్రమైన మంచిర్యాల పట్టణంలోని రాముని చెరువు పార్క్ వద్ద వెకిలి చేష్టలకు పాల్పడుతున్న ఆకతాయిల ఆటలను జిల్లా షీ టీం సిబ్బంది అరికట్టారు. ఈ సందర్భంగా మంచిర్యాల షీ టీం ఎస్ఐ ఉషారాణి మాట్లాడుతూ, జిల్లా షీ టీం ఆధ్వర్యంలో శుక్రవారం నిర్వహించిన డెకాయ్ ఆపరేషన్ లో జిల్లా కేంద్రమైన మంచిర్యాల పట్టణంలో రాముని చెరువు పార్క్ వద్ద వెకిలి చేష్టలకు పాల్పడుతున్న ఆరుగురు ఆకతాయిలను రెడ్ హ్యాండెడ్ గా పట్టుకొని, అనంతరం వారికి కౌన్సిలింగ్ నిర్వహించి, ఇలాంటి చర్యలకు పాల్పడవద్దని హెచ్చరించడం జరిగిందని తెలిపారు. ఎవరైనా విద్యార్థినీలు ఆకతాయిల వేధింపులకు గురైతే డయల్ 100, రామగుండం షీ టీం నెంబర్ 6303923700 లకు ఫోన్ చేసి, వాట్సప్ లోనైన సమాచారం అందించాల్సిందిగా సూచించారు. మహిళలు, బాలికలు, విద్యార్థినీల భద్రతే షీ టీం లక్ష్యంగా పనిచేస్తుందని తెలిపారు. ఈ కార్యక్రమంలో జిల్లా షీ టీం సభ్యులు సతీష్, శ్రీలత లు పాల్గొన్నారు.