ఉదయ క్రాంతి:- కరీంనగర్ జిల్లా హుజురాబాద్ జమాతే హైలథీస్ కమిటీ అధ్యక్షుడిగా మహమ్మద్ చాంద్ పాషా ఏకగ్రీవంగా ఎన్నికయ్యారు. శుక్రవారం హుజురాబాద్ మసీదులో నిర్వహించిన సమావేశంలో మహమ్మద్ చాంద్ పాషా ను అధ్యక్షునిగా ఏకగ్రీవంగా ఎన్నుకున్నారు. అదేవిధంగా కమిటీ పూర్తి కార్యవర్గాన్ని నియమించారు. జమాతే హైలథీస్ అధ్యక్షుడిగా మహమ్మద్ చాంద్ పాషా, కార్యదర్శిగా ఎండి అక్బర్ పాషా, కోశాధికారిగా రాజ్ మహమ్మద్, ఉపాధ్యక్షులుగా జాఫర్, హైమత్, జాయింట్ కార్యదర్శులుగా యూసఫ్, ఇస్మాయిల్ లు ఎన్నికైయ్యారు. ఈ సందర్భంగా కమిటీ నూతన అధ్యక్షుడు చాంద్ పాషా మాట్లాడుతూ, జమాత్ హైలథీస్ కమిటీ ఆధ్వర్యంలో సంఘం బలోపేతానికి, సంఘం సభ్యుల అభివృద్ధికి కృషి చేస్తానని తెలిపారు. గతంలో కమిటీలో ముఖ్యపాత్ర పోషిస్తూ కార్యక్రమాలు నిర్వహించడం జరిగిందని గుర్తు చేశారు. ఇదే స్ఫూర్తితో అందరి సహకారంతో కార్యక్రమాలు చేపడతామన్నారు. జమాతే హైలథీస్ కమిటీ ఆధ్వర్యంలో ఎవరికి ఏ కష్టం వచ్చినా కమిటీ దృష్టికి తీసుకురావాలని, సభ్యులందరికీ ఎల్లవేళలా అందుబాటులో ఉంటూ, సేవలు అందిస్తానని తెలిపారు. ఈ సందర్భంగా తనను ఏకగ్రీవంగా ఎన్నుకున్న కమిటీ సభ్యులకు ప్రత్యేక ధన్యవాదాలు తెలియజేశారు. ఈ కార్యక్రమంలో జమాతే హైలథీస్ సభ్యులు పాల్గొన్నారు.
