కోల్ ఇండియా కార్మికులకు సెప్టెంబర్ 26న చెల్లింపు
సింగరేణి కార్మికులకు దీపావళి పండుగకు ముందు
బోనస్ పెంపు కార్మికుల విజయమే
సిఐటియు నాయకులు డిడి రామనందన్, మంద నర్సింహారావు
*ఉదయ క్రాంతి:-* దేశవ్యాప్త బొగ్గు గని కార్మికులకు చెల్లించే పర్ఫామెన్స్ లింక్డ్ రివార్డ్ (పిఎల్ఆర్) బోనస్ దీపావళి బోనస్ చెల్లింపుపై గురువారం న్యూఢిల్లీలోని హోటల్ లెమన్ ట్రీ లో జాతీయ కార్మిక సంఘాలతో కోలిండియా యాజమాన్యం,సింగరేణి యాజమాన్యం చర్చలు నిర్వహించగా చర్చల్లో 2024-25 ఆర్థిక సంవత్సరం కోలిండియాకు వచ్చిన లాభాల్లో కార్మికులకు పిఎల్ఆర్ బోనస్ 1,03,000 రూపాయలు చెల్లించేందుకు సమావేశంలో కోలిండియా ప్రతినిధులతో పాటు సింగరేణి ప్రతినిధులు , జాతీయ కార్మిక సంఘాల ఏఐటీయూసీ , సిఐటియు , హెచ్ఎంఎస్ , బిఎంఎస్, ఐఎన్టియుసి నాయకులు ఒప్పందం కుదిరినట్టు సిఐటియు చర్చల కమిటీ సభ్యుడు,అల్ ఇండియా కోల్ వర్కర్స్ ఫెడరేషన్ (ఏఐసిడబ్ల్యూఎఫ్) జాతీయ ప్రధాన కార్యదర్శి డిడి రామనందన్, సిఐటియు అనుబంధ సింగరేణి కాలరీస్ ఎంప్లాయిస్ యూనియన్ (సిఐటియు) రాష్ట్ర ప్రధాన కార్యదర్శి, ఏఐసిడబ్ల్యూఎఫ్ జాతీయ కార్యదర్శి, వేజ్ బోర్డ్ సభ్యుడు మంద నర్సింహారావు, ఏఐసిడబ్ల్యూఎఫ్ జాతీయ కార్యదర్శి అల్లి రాజేందర్ లు ఫోన్ ద్వారా తెలిపారు. గత సంవత్సరం కార్మికులకు 93750 రూపాయలు పిఎల్ఆర్ బోనస్ కోలిండియా , సింగరేణి యాజమాన్యాలు చెల్లించగా, ఈసంవత్సరం రూపాయలు 9250 రూపాయలు అధికంగా ఒప్పందం చేయడం జరిగిందన్నారు. జాతీయ కార్మిక సంఘాలు ఐక్యంగా యజమాన్యాలపై ఒత్తిడి చేసి,గత సంవత్సరం కన్నా 9250 రూపాయలు అధికంగా ఈ సంవత్సరం 1,03,000 వేల రూపాయలు పిఎల్ఆర్ బోనస్ సాధించుకోవడం జరిగిందని తెలిపారు. కార్మిక సంఘాల ఐక్యతగా ఉంటే ఈ విధంగా కార్మికులకు లబ్ది కలుగుతుందని తెలియజేయడానికి పిఎల్ఆర్ బోనస్ ఒప్పందం ఉదాహరణ అని తెలిపారు. కార్మిక సంఘాలకు కార్మికులు మద్దతు తెలిపాలని, కార్మిక సంఘాలు ఇచ్చే పిలుపులో కార్మికులందరూ పాల్గొని, కార్మిక ఐక్యతను చాటాలని పిలుపునిచ్చారు. కాగా గురువారం అర్ధరాత్రి సైతం జరిగిన సమావేశం అనంతరం బొగ్గు గని కార్మికులకు 1.03 లక్షల రూపాయలు పిఎల్ఆర్ బోనస్ చెల్లించేందుకు కోలిండియా యాజమాన్యం అంగీకరించింది. ముందుగా సిఐటియు సభ్యుడు డిడి రామనందన్ సంస్థ డివిడెంట్ లో సగం రూపాయలను బోనస్ గా చెల్లించండి డిమాండ్ చేయగా మిగిలిన సంఘాలు ఒప్పుకోవడం జరిగిందని, స్టాండర్డ్ డైజేషన్ కమిటీ సమావేశంలో కార్మిక సంఘాలు ప్రతినిధులు కార్మికులకు పిఎల్ఆర్ బోనస్ 1,50,000 చెల్లించాలని డిమాండ్ చేయగా, యాజమాన్యం అంగీకరించలేదు. దీనిపై సుదీర్ఘంగా చర్చలు సాగాయి. ఒకానొక సమయంలో కార్మిక సంఘాల నేతలు సమావేశాన్ని బహిష్కరించి, బయటికి రాగా యాజమాన్యం అభ్యర్థన మేరకు మరల అర్ధరాత్రి సమావేశాలకు హాజరైయ్యారు. చివరికి 1.03 లక్షల రూపాయలకు పిఎల్ఆర్ బోనస్ చెల్లించని ఒప్పందం కుదిరిందని తెలిపారు. ఈ ఒప్పందం మేరకు కోలిండియా కార్మికులకు సెప్టెంబర్ 26న పిఎల్ఆర్ బోనస్ వారి ఖాతాలో జమ చేయడం జరుగుతుందన్నారు. కార్మిక సంఘాల పిలుపుమేరకు కార్మికులు ఒక్కరోజు సమ్మెను విజయవంతం చేస్తూ, కార్మిక సంఘాలకు చేకూర్చిన బలం వలన నేడు కార్మిక సంఘాల ఐక్యతతో యాజమాన్యంపై ఒత్తిడి తెచ్చి, బోనస్ లు సాధించి, కార్మికుల నమ్మకాన్ని నిలబెట్టుకున్నామని, ఇది కార్మికుల విజయంగా భావిస్తున్నామని తెలిపారు. 2024-25 ఆర్థిక సంవత్సరంలో 30 మస్టర్లు పూర్తి చేసిన ప్రతి కార్మికుడు ఈ బోనస్ కు అర్హుడని తెలిపారు. ఢిల్లీలో గురువారం అర్ధరాత్రి వరకు నిర్వహించిన సమావేశంలో పిఎల్ఆర్ బోనస్ 1.03 లక్షల రూపాయలు చెల్లించేందుకు ఒప్పందం కుదరగా, కార్మికులకు వెంటనే శుక్రవారం వారి ఖాతాలో బోనస్ ను యాజమాన్యం జమ చేయడం జరుగుతుందని, ఎన్నికలు లేని కోలిండియాలో 25న యాజమాన్యం చర్చలు జరిపి, 26న పిఎల్ఆర్ బోనస్ కార్మికుల ఖాతాలో వేయడానికి అన్ని కార్మిక సంఘాలు ఐక్యతతో ఒప్పించగా, ఎన్నికలు ఉన్న సింగరేణిలో మాత్రం లాభాల వాటా ను యాజమాన్యం ప్రకటించిన, ఇంకా ఉత్తర్వులు విడుదల చేయకపోవడం సరైనది కాదని తెలిపారు. సింగరేణి యాజమాన్యం సైతం వెంటనే లాభాల వాటా ఉత్తర్వులను విడుదల చేసి, అదే సెప్టెంబర్ 26న కార్మికుల ఖాతాలో లాభాల వాటా నగదు జమ చేయాలని డిమాండ్ చేశారు. ఈస్టాండర్డ్ డైజేషన్ కమిటీ సమావేశానికి ఎంసిఎల్ సిఎండి ఉదయ్ ఏ కాలే అధ్యక్షత వహించగా,సిఐఎల్ డైరెక్టర్ డాక్టర్ వినయ్ రంజన్, సిఐఎల్ డైరెక్టర్ ముఖేష్ అగర్వాల్, ఎంసీఎల్ డైరెక్టర్ హర్ష్ నాథ్ మిత్ర, ఎన్సీఎల్ డైరెక్టర్ మనీష్ కుమార్, ఈసీఎల్ డైరెక్టర్ అంజర్ అలీ, బిసిసిఎల్ డైరెక్టర్ మురళీకృష్ణ రామయ్య, ఎస్ఈసిఎల్ డైరెక్టర్ బిరంచి దాస్, ఈసీఎల్ డైరెక్టర్ గుంజన్ కుమార్ సిన్హ, డబ్ల్యూసిల్ డైరెక్టర్ డాక్టర్ హేమంత్ శరత్ పాండే, సింగరేణి నుండి డైరెక్టర్ పా గౌతమ్ పొట్రు, సిఐఎల్ ఈడి గౌతమ్ బెనర్జీ లు, యూనియన్ నాయకులు బిఎంఎస్ నుండి సుధీర్ హెచ్ ఘుర్డే, సుజిత్ సింగ్, సిఐటియు నుండి డిడి రామానందన్, ఏఐటీయూసీ నుండి రామేంద్రసింగ్, హెచ్ఎంఎస్ నుండి శివ్ కాంత్ పాండే, శివ్ కుమార్ యాదవ్, ఐఎన్టియుసి నుండి కుమార్ జైమంగల్ అలియాస్ అనూప్
సింగ్, ఎస్ క్యూ జామా, ప్రత్యమ్నాయ సభ్యులుగా బిఎంఎస్ నుండి టిఎస్ పవన్ కుమార్, సిఐటియు నుండి ఆర్పి సింగ్, ఏఐటియుసి నుండి హరిద్వార్ సింగ్, హెచ్ఎంఎస్ నుండి రియాజ్ అహ్మద్, ఐఎన్టియుసి నుండి బి జనక్ ప్రసాద్ లు పాల్గొన్నారు.
2010 నుండి వరుసగా సాధించిన పిఎల్ఆర్ బోనస్
2010-11 ఆర్థిక సంవత్సరంలో 21 వేల రూపాయలు పిఎల్ఆర్ బోనస్ చెల్లించగా, 2011-12లో 26 వేలు, 2012-13లో 31,500, 2013-14లో 40 వేలు, 2014-15లో 48,500, 2015-16లో 54 వేలు, 2016-17 లో 57 వేలు, 2017-18లో 60,500, 2018- 19 లో 64,700, 2019-20లో 68,500, 2020-21లో 72,500, 2021-22లో 76,500రూపాయలు, 2022-23లో 85,000, 2023-24లో 93,750 పిఎల్ఆర్ బోనస్ బొగ్గు గని కార్మికులకు చెల్లించగా, 2024-25లో 1,03,000 రూపాయలు పిఎల్ఆర్ బోనస్ చెల్లించనున్నారు.
కోలిండియాలో నేడు పిఎల్ఆర్ బోనస్ చెల్లింపు
సింగరేణిలో తేలని 34 శాతం లాభాల వాటా చెల్లింపు తేదీ
కాగా కోలిండియాలో దసరా పండుగ ముందు నేడు సెప్టెంబర్ 26న పిఎల్ఆర్ బోనస్ చెల్లిస్తుండగా, సింగరేణి కార్మికులకు దీపావళి పండుగకు ముందు చెల్లించడం జరుగుతుంది. కోలిండియాలో నిన్న అర్ధరాత్రి వరకు సమావేశం నిర్వహించి, వెంటనే నేడు కార్మికులకు పిఎల్ఆర్ బోనస్ చెల్లిస్తుండగా, సింగరేణిలో సోమవారం లాభాల వాటా 34 శాతం ప్రకటించి ఐదు రోజులు కావస్తున్న యాజమాన్యం నేటికీ లాభాల వాటా చెల్లింపు తేదీని ప్రకటించ లేకపోవడంతో కార్మిక వర్గం అసహనం వ్యక్తం చేస్తుంది. వెంటనే సింగరేణి యాజమాన్యం సైతం కోలిండియా మాదిరిగా సింగరేణి కార్మికులకు వెంటనే సెప్టెంబర్ 26న లాభాల వాటా చెల్లించేలా ఉత్తర్వులు జారీ చేయాలని, కార్మికులు, కార్మిక సంఘాలు కోరుతున్నాయి. సెప్టెంబర్ 27, 28న బ్యాంకులకు నాలుగో శనివారం, వెంటనే ఆదివారం సెలవు దినాలు కావడం, మరుసటి రోజు సోమవారం తెలంగాణ రాష్ట్ర పండుగ అయిన బతుకమ్మ పండుగ కానుండటంతో లాభాల వాటా కోసం కార్మికులు ఆత్రుతగా ఎదురుచూస్తున్నారు. సింగరేణి యాజమాన్యం సైతం వెంటనే నేడు లాభాల వాటా చెల్లించేలా చొరవ చూపాలని, కార్మికులు, కార్మిక సంఘాల నాయకులు కోరుతున్నారు.
