పట్టణంలో మున్సిపల్ లో పనిచేస్తున్న తిరుపతి అనే ఆటో డ్రైవర్ అకాలంగా మృతి చెందడంతో గురువారం ఆటో యూనియన్ ఆధ్వర్యంలో ఆయన మృతికి సంతాపం తెలియజేస్తూ, పదివేల రూపాయల ఆర్థిక సహాయాన్ని అందజేశారు. ముందుగా తిరుపతి చిత్రపటానికి యూనియన్ ఆధ్వర్యంలో పూలమాల వేసి, ఘనంగా నివాళులు అర్పించారు. ఈ సందర్భంగా ఆటో యూనియన్ అధ్యక్షుడు మొయ్య రాంబాబు మాట్లాడుతూ, ముందుగా ఆటో డ్రైవర్లు ప్రతి ఒక్కరు తప్పనిసరిగా భీమా చేయించుకోవాలని సూచించారు. కుటుంబంలో ఎవరైనా ఇంటి యజమాని మరణిస్తే, కుటుంబం మొత్తం చిందరవందర అవుతుందని, భీమా తో కుటుంబానికి ఎంతోకొంత చేదోడువాడుగా ఉండే అవకాశం ఉంటుందన్నారు. ఈ కార్యక్రమంలో యూనియన్ ముఖ్య సలహాదారులు చొప్పరి లచ్చన్న, సభ్యులు పంబాల శ్రీనివాస్, సముద్రాల శ్రీనివాస్, రాజ కుమార్, ఎస్కే గౌస్, నాగరాజు, బొల్లం రమేష్, శంకర్, శ్రీనివాస్, లచ్చన్న లు పాల్గొన్నారు.
